Բացօթյա կահույք

Ներքին տարածքների համար նախատեսված Trio բազկաթոռի նրբագեղ փայտե շրջանակը վերածվել է նաև բացօթյա միջավայրերի համար նախատեսված տարբերակի, որը ներառում է բազկաթոռ, երկու նստարան, ինչպես նաև ճաշասենյակային և հանգստի փոքր բազկաթոռներ։ Կահույքագործության վարպետական մոտեցմամբ վերաիմաստավորված դիզայնում բնական տեքը՝ մշակված սահուն կորություններով և տարբեր հաստություններով, վերածվում է մաքուր, հստակ գծերով կառուցվածքի, որն արձագանքում է Ռացիոնալիզմի ճարտարապետական մաքրությանը։ Trio Outdoor նստատեղերը առանձնանում են չափազանց թեթև տեսքով, որին նպաստում է նաև հյուսածանման էֆեկտով լարային շրջանակը, որը գրկում է փափուկ նստատեղի և մեջքի բարձերը։ Ժամանակակից ոճի այս կահույքը համադրում է դիզայնն ու հարմարավետությունը՝ նրբագեղորեն բավարարելով բացօթյա միջավայրերի պահանջները։

Կառուցվածք․ կրող կառուցվածքը պատրաստված է բնական հարդարմամբ, հատուկ չորացված ամբողջական տեքից (Tectona Grandis - First European Quality), մշակված CNC հաստոցներով և հավաքված փայտե դյուբելային միացումներով ու պտուտակներով։ Նստատեղի շրջանակը պատրաստված է Bronze գույնի էպօքսիդային փոշեներկապատմամբ և փայլուն, մատնահետքերից պաշտպանող մշակմամբ չժանգոտվող պողպատից և պատված է Mud գույնի հյուսածանման հյուսված մանրաթելով։ Ալյումինե կրող շրջանակը և դեկորատիվ չժանգոտվող պողպատե պտուտակներն ունեն համապատասխան Bronze գույնի հարդարում։

Բարձեր․ նստատեղի և մեջքի բարձերը լցված են բարձր առաձգականությամբ պոլիուրեթանային փրփուրով և վիսկոզային մանրաթելով։ Լցոնումը ջրից և խոնավությունից ավելի լավ պաշտպանելու համար բոլոր բարձերը պատված են ջրակայուն պոլիեսթեր ծածկոցով։ Բոլոր պարագաները՝ կայծակաճարմանդներն ու թելերը, ջրակայուն են և նախատեսված են բացօթյա օգտագործման համար։ Նստատեղի և մեջքի բարձերը միացված են կայծակաճարմանդով և ամրացվում են կառուցվածքին տեքի փայտից ամրակներով։

Ծածկոցներ․ բարձերի ծածկոցն ամբողջությամբ հանվող է։ Կարգավորվող սև պաշտպանիչ պոլիէթիլենային հենակներ։

Նստարանի կառուցվածք․ նստատեղի շրջանակը պատրաստված է Bronze գույնի էպօքսիդային փոշեներկապատմամբ և փայլուն, մատնահետքերից պաշտպանող մշակմամբ չժանգոտվող պողպատից և պատված է Ø5 մմ տրամագծով Mud գույնի հյուսածանման հյուսված մանրաթելով։

Նստարանի բարձեր․ նստատեղի բարձը լցված է բարձր առաձգականությամբ պոլիուրեթանային փրփուրով և վիսկոզային մանրաթելով։ Լցոնումը ջրից և խոնավությունից ավելի լավ պաշտպանելու համար բարձը պատված է ջրակայուն պոլիեսթեր ծածկոցով։ Բոլոր պարագաները՝ կայծակաճարմանդներն ու թելերը, ջրակայուն են և նախատեսված են բացօթյա օգտագործման համար։ Բարձը ամրացվում է կառուցվածքին տեքի փայտից ամրակներով։

Նստարանի ոտքեր․ պատրաստված են խողովակաձև չժանգոտվող պողպատից՝ Bronze գույնի լաքապատմամբ, և պատված են բնական հարդարմամբ տեքով (Tectona Grandis - First European Quality)։ Յուրաքանչյուր ոտքի վերին հատվածում տեղադրված է փայլեցված Bronze գույնի լաքապատմամբ ալյումինե դեկորատիվ տարր։ Կարգավորվող սև պաշտպանիչ պոլիէթիլենային հենակներ։